شاهد.. أول رد للسيسي عن غلاء تذكرة المترو

شاهد.. أول رد للسيسي عن غلاء تذكرة المترو
الأربعاء, 16 مايو 2018 14:40

أكد الرئيس عبدالفتاح السيسي أن تحدى الوقت من أكبر القضايا التى تواجه الدولة، قائلا: "عندى اصلاح اقدر اجله زى المترو؟ لا مقدرش لكن فى بديل للمواطنين الاشتراكات".

وقال في كلمته خلال فعاليات المؤتمر الوطني الخامس للشباب اليوم الأربعاء: "تذكرة مترو الانفاق كانت لابد ان تكون 14 و15 و16 جنيها ومقدرش أجل أكثر من كده ، وزير النقل قالى من سنة ان خط حلوان المرج سيخرج من الخدمة لأنه يحتاج لصيانة وسيتكلف 30 مليار جنيه لإعادة كفاءته طب اجبهم منين ده القرض اللى اتعمل بيه الخط لسه متسددش".

وأضاف أنه يسارع الوقت لتقليل عجز الموازنة فى اقل وقت ممكن ،قائلا:"هى بلد كلنا هنشلها مع بعض هو انا خبيت

عليكم حاجة وانا قولت ليكم فى الترشح الأول كلنا مع بعض ".

وتابع :"هو انتو بتركبوا أى مواصلة قطاع خاص وتقوله معيش، مش هيوقف ليك ولا هيركِّبك اصلا ، لازم نضحى ونتعذب عشان مصر.. يعنى اعمل ايه اقفل خط حلوان انا كدولة بحاول احل المشكلة ".

وأوضح أن قرار ارتفاع اسعار تذكرة مترو الانفاق ليس بجديد على المصريين، قائلا: "التحدى الموجود فى مصر أكبر من أى حكومة ورئيس، هى ضربت فى وزير النقل ده وبيطلع يقول سامحونى".

وأضاف أن الدول لا تقوم إلا بالقرارات الصعبة، قائلا:"احنا بنحاول ناخد الإجراء الصالح للبلد لو مخدتش القرارات ديه محدش هياخدها ولو قولتوا ليا ارحل هقول سلامو عليكم ".

شاهد الفيديو..

 

 

loading...